top of page

"Ыал аҕата - ситим төрдө" доруобуйаларынан хааччахтаах аҕалар өрөспүүбүлүкэтээҕи күрэстэрэ

Муус устар 9 күнүгэр Горнай улууһун Мытаах нэһилиэгэр "Ыал аҕата - ситим төрдө" доруобуйаларынан хааччахтаах аҕаларга өрөспүүбүлүкэтээҕи күрэх буолла. Тэрийээччинэн Бүтүн Россиятааҕы инбэлииттэр уопсастыбаннай тэрилтэтин Саха сиринээҕи региональнай тэрилтэтэ буолла. Дьокуускай куораттан, Хаҥалас, Томпо, Таатта, Горнай улуустартан 7 аҕа үс түһүмэҕинэн күөн көрүстүлэр.



Түмүккэ, "Амарах аҕа" анал ааты Леонид Павлов (Горнай), "Талааннаах аҕа" - Иннокентий Кардашевскай (Горнай), "Сатабыллаах аҕа" - Михаил Шелковников (Дьокуускай), "Кэскиллээх аҕа" - Михаил Неймохов (Томпо) ыллылар.

3 миэстэ - Валерий Слепцов (Таатта), 2 миэстэ - Геннадий Филиппов (Горнай), 1 миэстэ - Егор Софронов (Хаҥалас) буоллулар. "Көрөөччүлэр биһирэбиллэрэ" анал аат иҥэрилиннэ Леонид Павловка, 14 оҕо амарах аҕатыгар. Күрэх спонсора "Хоту тент" хампаанньа туруорбут сыаналаах бирииһин тутта.

Кыттааччыларга, тэрийээччилэргэ махтанан туран Улуус Сэбиэтин бэрэссэдээтэлэ М.Г.Константинова, Бүтүн Россиятааҕы инбэлииттэр уопсастыбаннай тэрилтэтин Саха сиринээҕи региональнай тэрилтэ бэрэссэдээтэлэ Лебедева И.В. эҕэрдэлээтилэр, махтал тылларын эттилэр.

4 просмотра0 комментариев

Comments


bottom of page